چانڊيو، احمد علي ’صابر‘

چانڊيو، احمد علي ’صابر‘: شاعر، ڪهاڻيڪار ۽ ناول نگار احمد علي ’صابر‘ چانڊيو ولد نواب خان چانڊيو، 14 جولاءِ 1952ع تي ڳوٺ ڇاڇڙي، تعلقي ميرو خان، ضلعي قنبر ۾ ڄائو. پرائمري تعليم 1965ع ڌاري ڀر واري ڳوٺ جي پرائمري اسڪول ۾ پڙهيو. 1971ع ۾ مئٽرڪ ڪيائين. 1975ع ۾ ايم. اي (سنڌي ادب)، 1979ع ۾ ايم. اي (پوليٽيڪل سائنس) ۽ 1981ع ۾ ايل. ايل. بي ڪيائين. سٺو شاعر ۽ ڪمپيئر رهيو آهي. ٽيليفون کاتي ۾ آپريٽر جي حيثيت ۾ رٽائـر ڪيائـيـن. سنڌي ادبي سنگت شهدادڪوٽ جو باني سيڪريٽري رهيو آهي. سندس هيٺيان ڪتاب شايع ٿيل آهن: (1) ’گهايل منهنجا گيت‘ (شاعري)، (2) ’پياسي سِپ سمونڊ ۾‘ (ڪهاڻيون)، (3) ’ڪويڄن ڪُٺي آهيان‘، (ناول)، (4) ’ڪاڪ ڪڪوري آءُ‘ (شاعري).
هن وقت لاڙڪاڻي شهر ۾ رهائش پذير آهي.

داخلا ۾ استعمال ٿيل تاريخون

1952.07.14  عيسوي

شاعر، ڪهاڻيڪار ۽ ناول نگار احمد علي ’صابر‘ چانڊيو ولد نواب خان چانڊيو، 14 جولاءِ 1952ع تي ڳوٺ ڇاڇڙي، تعلقي ميرو خان، ضلعي قنبر ۾ ڄائو.

شخصيتون - ڀاڱي جون ٻِيون داخلائون